Departamenti amerikan i shtetit konfirmoi të hënën se nëntë shtetas amerikanë janë mes të vdekurve në Izrael. Zëdhënësi i Departamentit të Shtetit, Mattheë Miller tha se ka qytetarë amerikanë fati i të cilëve nuk dihet dhe se Shtetet e Bashkuara po punojnë me autoritetet në Izrael për të gjetur vendndodhjen e tyre. “Shprehim ngushëllimet tona të thella për viktimat dhe familjet e të prekurve,” tha zoti Miller. Ai tha se autoritetet amerikane janë në kontakt me familjet dhe po ofrojnë ndihmë konsullore për ta. Britania e Madhe nga ana tjetër tha se rezultojnë të zhdukur të paktën 10 shtetas të saj, ndërsa viktima janë konfirmuar shtetas nga Tajlanda, Polonia, Gjermania dhe vende të tjera europiane. Pjesa më e madhe e të huajve që kanë humbur jetën nga çmenduria e Hamasit kanë qenë pjesëmarrës në festivalin muzikor të mbajtur në shkretëtirën Nagev vetëm disa qindra metra larg kufirit me Rripin e Gazës.