Katër adoleshentë në Korçë janë shoqëruar në Polici, pasi akuzohen se kanë djegur qëllimisht dy automjete në orët e para të mëngjesit të 19 marsit. Dyshohet se të rinjtë e kanë bërë këtë veprim, pas një konflikti për motive të dobëta, rreth dy javë më parë. Ngjarja ka ndodhur rreth orës 02:00, në lagjet nr. 4 dhe 14. Të rinjtë i vunë flakën automjetetve të shtetasve G. C., dhe J. G., ku si pasojë e zjarrit janë shkaktuar vetëm dëme materiale. Në pamjet e përftuara nga kamerat e sigurisë, shihen 4 të rinjtë të cilët në bashkëpunim me njëri tjetrin i vënë flakën njërës prej makinave dhe menjëherë largohen nga vendngjarja duke vrapuar.