Tarifat hakmarrëse të Kanadasë për një gamë mallrash amerikane hynë në fuqi të martën, teksa mes dy vendeve nuk ka asnjë sinjal për një marrëveshje tregtare në horizont. Kundër-tarifat me vlerë gati 20 miliardë dollarë do të zbatohen për mbi 700 produkte amerikane, nga çeliku te mobiljet e deri te rrobat. Zyrtarët amerikanë dhe kanadezë deklarojnë gatishmërinë për të arritur një marrëveshje, por nuk është bërë asnjë lëvizje për të rifilluar bisedimet pas dështimit të tyre në fund të muajit gusht. Duke folur me gazetarët javën e kaluar, kryeministri kanadez, Mark Carney tha se Kanadaja është ende në kërkim të një marrëveshjeje të qëndrueshme dhe në interesin më të mirë të të dyja vendeve. Presidenti Donald Trump kërcënoi të hënën se do të ndalonte të gjitha bizneset amerikane me prodhuesin e aeroplanëve me bazë në Kanada, Bombardier, nëse nuk do ta zhvendoste prodhimin e tij në SHBA.