Rusia ka nisur një raund të ri sulmesh këtë të hënë në Ukrainë, pasi ka pretenduar se Kievi kishte vënë në shënjestër një rafineri nafte në një qytet rus. Kryeministri ukrainas, Denys Shmyhal gjatë tha se pesëmbëdhjetë rajone të Ukrainës u goditën nga breshëria e sulmeve, ndërsa u shënuan tre viktima dhe disa të plagosur. Sipas tij, Rusia përdori lloje të ndryshme armësh si dronë, raketa rrëshqitëse dhe raketë supersonike. Sakaq, autoritetet kanë raportuar se furnizimi me energji dhe ujë u ndërpre në disa pjesë të Kievit. Ndërkohë, ministria ruse e mbrojtjes pohoi se sistemet e saj të mbrojtjes ajrore shkatërruan 20 dronë të lëshuar nga Ukraina gjatë natës. Sipas saj, nëntë nga dronët u shkatërruan mbi rajonin e Saratovit, tre mbi rajonin Kursk dhe dy mbi rajonet Belgorod, Bryansk dhe Tula.