Një grup kriminal hakerash rusë qëndron pas sulmit që kishte në shënjestër kompaninë më të madhe në botë të përpunimit të mishit. Kjo është konfirmuar tashmë nga FBI e cila tha se po punon për ta nxjerrë grupin REvil para drejtësisë për dëmin që i shkaktoi JBS. Sulmi kibernetik në fundjavë, bëri që JBS të mbyllte disa operacione në SHBA, Kanada dhe Australi. REvil, i njohur edhe si Sodinokibi, është një nga grupet kriminale kibernetike më të njohura në botë. Shtëpia e bardhë tha një ditë më parë se presidenti amerikan Joe Biden do ta ngrejë cështjen e sulmeve kibernetike në takimin me presidentin rus, Vladimir Putin, dy javë më pas. Vendet përgjegjëse, nuk duhet të mbrojnë dhe strehojnë kriminelët kibernetikë – tha sekretarja e shtypit Jen Psaki. JBS tha se do të rifillonte punën të enjten në shba, ku pesë nga impiantet më të mëdha të saj ndodhen. Kompania që e konstatoi sulmin të dielën, nuk ka treguar nëse ka paguar apo jo haracin e kërkuar nga hakerat. Muajin e kaluar, një gazsjellës i madh në juglindje të shba u mbyll për disa ditë pas një sulmi të ngjashëm. Drejtuesit e gazsjellësit Colonial thanë se kishin paguar 4.4 milionë dollarë keqbërësve që ndërhynë në sistemin e tij kompjuterik dhe që sic dyshojnë hetuesit, është DarkSide, një grup i lidhur me rusinë.