Hakerat iranian pretendoje se kanë sulmuar Gjykatën e Lartë dhe Prokurorin e Përgjithshme. Grupi iranian Homeland Justice ndau në kanalin e telegram disa informacione nga këto dy institucione duke pretenduar se kishte marrë kontrollin e sistemit. Por pas këtyre qëndrimeve Gjykata e Lartë sqaroi se pasi kreu të gjitha verifikimet sistemi rezulton funksional. “ju bejme me dije se Gjykata e Larte, nuk ka pesuar sulm kibernetik, por sipas pretendimeve te Homeland Justice, grupit ne Telegram, ka pesuar sulm kibernetik faqja gjykata.gov.al e cila eshte ne menaxhimin e plotë te KLGj, dhe nuk ka asnje lidhje me sistemin e brendshëm apo faqen zyrtare të Gjykates se Larte.”, sqaroi institucioni ndërsa nga ana tjetër KLGJ tha se sistemi është funksional. Po ashtu edhe prokuroria e Përgjithshme tha se pas deklaratave të grupit lidhur me një hakërim të mundshëm të faqes zyrtare të internetit, nga verifikimet e kryera nga eskpertet e sigurisë së IT-së nuk janë konstatuar gjurmë kompromentuese në formën hackerimit. “Stafet tona të IT-së janë duke monitoruar në mënyrë të vazhdueshme situatën.”, tha prokuroria. Më herët hakerat iranuianë thanë se sulmuan faqen e Kuvendit dhe Postën Shqiptare.