Nënkomisari Klodian Çaushi, është pezulluar nga detyra pasi akuzohet për vjedhje të një shume të konsiderueshme parash. Nënkomisari Klodian Çaushi, ishte në detyrë si specialist pranë njësisë së Posaçme Operacionale “Enfast”, e cila është njësia e posaçme brenda Drejtorisë së Përgjithshme të Policisë së Shtetit, që merret me kapjen e personave në kërkim. Pas hetimit të organizuar disa mujor, rezultoi se nënkomisar Çaushi, gjatë ushtrimit të detyrës së tij si specialist pranë Sektorit të Trafiqeve të Paligjshme në Drejtorinë Vendore të Policisë Tiranë, detyrë të cilën e ka ushtruar në vitin 2016 dhe mw pas nw Enfast, ka vjedhur plot 5.5 milionë lekë. Skema sesi nënkomisari vodhi 5.5 milionë lekë ka qenë e tillë. Gjatë një operacioni policor, i cili drejtohej nga Çaushi është sekuestruar në cilësinë e provës materiale kjo sasi parash. Klodian Çaushi në kundërshtim të Kodit të Procedurës penale, për dispononim e provës materiale mbi kthimin e sendeve, pronarëve të ligjshëm, të cilëve iu ishin sekuestruar në kuadër të hetimit, nuk ka përmbushur detyrimet për zbatimin e vendimit të gjykatës për kthimin e sendeve të sekuestruara. Në këtë formë Çaushi ka vjedhur plot 5.5 milionë lekë, ndërkohë strukturat hetimore po vijojnë punën për dokumentimin e plotë të ngjarjes.