Tre hajdutë kanë tentuar të vjedhin një dyqan në mëngjesin e kësaj të diele në qytetin e Fierit, por janë pikasur nga një efektiv policia I cili ka ndëhyrë duke u prishur planet. Ngjarja ka ndodhur rreth orës 06.10 të mëngjesit në lagjen "Kongresi i Përmetit", ku tre persona të paidentifikuar kanë tentuar për të vjedhur një dyqan celularsh. Gjatë tentativës për të kryer vjedhjen autorët janë pikasur nga një punonjës i policisë i cili po shkonte për të marrë shërbimin në zonën policore. Punonjës i Policisë ka ndërhyrë për të parandaluar vjedhjen duke u përplasur fizikisht me autorët, të cilët gjatë largimit kanë goditur me automjetin e tyre mjetin privat të punonjësit të policisë. Në vendngjarje janë fiksuar prova materiale të lëna nga autorët të cilat do të shërbejnë në zbardhjen e ngjarjes dhe identifikimin e kapjen e autorëve. Policia ka ngritur pika kontrolli në hyrje-dalje të qytetit dhe ka kontrolluar gjithë zonën me qëllim kapjen e autorëve.