Një rast grabitje ka ndodhur në qytetin e Shkodrës, ku objektiv ka qenë një shkollë 9-vjeccare. Bëhet fjalë për shkollën 9 vjeçare “Ismail Qemali”, një nga shkollat më në zë të Shkodrës, e cila ra pre e hajdutëve në orët e para të mëngjesit të kësaj të hënë. Mësohet se persona të paidentifikuar kanë arritur të hyjnë brenda ambienteve të shkollës, dhe objektiv kanë pasur grabitjen e sallës së kodimit të informatikës një investim i ri në këtë shkollë. Por ato nuk kanë arritur të hapin derën e sallës duke arritur të marrin vetëm disa sende të sanitareve dhe një laptop në një nga ambientet e hapura të godinës së shkollës. Policia po punon për identifikimin dhe vënien e autorëve përpara përgjegjësisë penale.