Ish-krerët e Ushtrisë Çlirimtare të Kosovës janë të gjithë në Hagë, duke filluar që me Hashim Thaçin, që ashtu sikurse edhe e pati deklaruar pa u ngritur akuzat ndaj tij dha dorëheqjen si president. Baza e materialit hetimor të Gjykatës Speciale ndaj Hashim Thaçit dhe krerëve të UÇK-së ishte pikërisht raporti i Dick Marty-t, senatorit zviceran që e ktheu në rezolutë të Këshillit të Europës në vitin 2011. Por ai raport u bazua tek libri i Carla Del Pontes, ish-kryeprokurores së Gjykatës së Hagës, “Gjuetia” që flet për të ashtuquajturën “Shtëpi të Verdhë”. Pas botimit të librit, disa hetues të Gjykatës së Oorganizatës së KombeVe të Bashkuara për ish-jugosllavinë nisën të hetojnë për Shtëpinë e Verdhë, madje edhe ishin në fshatin Gurrë të Matit, ku nuk arritën të zbulojnë asnjë fakt, megjithëse në fillim u maskuan si gjeologë e gjeometër rrugësh. Në ato vite, Jose Pablo Baraybar, një antropolog peruan që ishte në grupin e hetimeve të prokurorisë së Hagës pati dhënë një intervistë në gazetën zvicerane “Le Temp”, ku theksonte se në grupin e atyre personave që ishin marrë me këtë cështje ishte edhe një përkthyes shqiptar i cili quhej Lulzim Basha. Në kohën kur Gjykata e Hagës nisi hetimet, Lulzim Basha ishte i punësuar në Kosovë si pjesë e administratës ndërkombëtare të OKB-së.