Në Dhomat e Specializuara në Hagë, Zyra e Prokurorit të Specializuar u shpreh se deri në 15 shkurt do të dorëzojë të gjitha materialet e dala nga hetimet, lidhur me rastin e ish-kreut të Ushtrisë Çlirimtare të Kosovës, Salih Mustafa. Në seancën statusore e cila organizohet lidhur me ecurinë e çështjes, Prokuroria tha se tashmë janë nxjerrë pothuajse të gjitha provat, përfshirë edhe ato shfajësuese që duhet t’i dorëzohen palës mbrojtëse. Prokuroria përmendi se këtyre materialeve mund t’iu shtohet edhe një dëshmitar, i cili është intervistuar më herët nga ana e tyre, por prokurorët ende po verifikojnë të dhënat. Vetë Mustafa nuk merr pjesë në seancë, e për këtë ka njoftuar me shkrim Dhomat e Specializuara. Avokati i tij holandezi, Julius Von Boné, tha se mbrojtja parashikon që hetimet për cështjen te mbyllen deri në muajin gusht. Nga sa shpjegoi avokati, ai pret që për dy muaj të intervistohen dy dëshmitarë, të cilët sic thotë, do të mbështesin alibinë për Mustafën, mbi të cilën mbështetet mbrojtja. Por, Zyra e Prokurorit të Specializuar pretendon se afati I gushtit është i papranueshëm për ta, duke argumentuar se mbrojtja ka pasur kohë të mjaftueshme për ta përgatitur çështjen dhe për të kryer hetimet e nevojshme. Avokati i Mustafës e ka bërë të qartë se mbrojtja preferon të kryejë hetimet e saj përpara se të nisë gjykimi. Ish udhëheqsi I UCK-së, u arrestua më 24 shtator në shtëpinë e tij pas konfirmit të aktakuzës për krime lufte.