Kërkesat e Iranit përpara çdo marrëveshjeje të mundshme me Shtetet e Bashkuara mund të kenë qenë surprizë për administratën Trump. Mbështetësit e linjës së ashpër në Teheran kanë përsëritur prej ditësh se një marrëveshje e kufizuar për garantimin e lundrimit në Ngushticën e Hormuzit nuk duhet të ngatërrohet me një rikthim të plotë të trafikut detar në këtë korridor strategjik. Sipas tyre, përpara se të bëhet ndonjë kompromis, “Amerika duhet të korrigjojë sjelljen e saj”. Të shtunën, një prej figurave me ndikim në Gardën Revolucionare Islamike, bëri të qarta disa prej kushteve që Teherani kërkon nga Uashingtoni. Tehereani kërkoi që Shtetet e Bashkuara të heqin bllokadën detare dhe të tërheqin forcat e tyre ushtarake nga territori iranian. Po ashtu, Irani kërkoi gjithashtu që Uashingtoni të paguajë dëmet e shkaktuara ndaj Iranit nga konfliktet e këtij viti dhe nga luftimet e qershorit të vitit të kaluar, të cilat u kryen kryesisht nga Izraeli. Në listën e kërkesave përfshihet edhe heqja e sanksioneve amerikane ndaj Iranit, si dhe lirimi pa kushte i aseteve iraniane të ngrira jashtë vendit. Këto kërkesa iraniane bien ndesh me memorandumin e mirëkuptimit të arritur me SHBA-në në qershor. Sipas marrëveshjes, sanksionet ndaj Iranit do të hiqeshin plotësisht pasi të arrihej një marrëveshje përfundimtare lidhur me programin bërthamor të Teheranit, ndërsa lirimi i aseteve iraniane të ngrira jashtë vendit do të bëhej gradualisht. Deri tani, administrata Trump nuk i është përgjigjur publikisht kërkesave të fundit të Teheranit