Shkencëtari i famshëm Yann LeCun ka reaguar pas aludimeve që kanë shpëthyer së fundmi se teknologjia po pushtojë botën. Sipas tij nuk është aspak e vërtetë se po shkatërrohen përgjithmonë vendet e punës. Ai tha se frika e disa ekspertëve që AI përbën një kërcënim për njerëzimin ishte “qesharake”. “Kompjuterët do të bëheshin më inteligjentë se njerëzit, por kjo ishte shumë vite larg dhe nëse e kuptoni se nuk është i sigurt, thjesht mos e ndërtoni”, tha ai. Një këshilltar i qeverisë së Mbretërisë së Bashkuar ka deklaruar disa teknologji të inteligjencës artificiale të fuqishme mund të kenë nevojë të ndalohen. Profesori LeCun aktualisht punon si shkencëtar kryesor në Meta. Edhe pse nuk ka dyshime që AI do të tejkalojë inteligjencën njerëzore, sipas tij, studiuesve u mungojnë ende konceptet thelbësore për të arritur atë nivel, i cili do të kërkonte vite, nëse jo dekada për të arritur. Është argumentuar se AI ka potencialin për të zëvendësuar shumë vende pune dhe disa kompani kanë ndaluar rekrutimin për role të caktuara.