Fëmijët në Korenë e Veriut thuhet se ndëshkohen publikisht për shkak se kanë parë Squid Game ose kanë dëgjuar muzikë K-pop. Kim Jong-un po e shfryn zemërimin e tij ndaj të rinjve të kapur duke ndjekur median e huaj në luftën e tij ndaj televizionit dhe muzikës së Koresë së Jugut, zbulojnë dëshmi të reja nga Amnesty International. Ata që nuk i binden "sistemit të tij arbitrar" dënohen në kampe pune ose i nënshtrohen poshtërimit brutal publik, e në disa raste dënohen edhe me vdekje për "mëkatet" e tyre. Koreano-veriorët që ikin nga vendi, i kanë thënë Amnesty se vetëm ryshfetet e mëdha mund të ndalojnë dënimet më të ashpra. Disa janë aq të dëshpëruar për t'u arratisur nga kampet e punës, ku i nënshtrohen torturës, ushqehen me racione etj, saqë detyrohen të shesin shtëpitë e tyre për të paguar zyrtarët e korruptuar. “Njerëzit kapen për të njëjtin akt, por dënimi varet tërësisht nga paratë”, thotë Choi Suvin, 39 vjeç, i cili u largua nga Koreja e Veriut në vitin 2019. “Njerëzit që nuk kanë para shesin shtëpitë e tyre për të mbledhur 5 ose 10,000 dollarë për të paguar që të dalin nga kampet e riedukimit”. Kim Joonsik, 28 vjeç, tha se u kap duke parë drama të Koresë së Jugut tre herë përpara se të largohej përfundimisht nga vendi në vitin 2019.