Top News -Gruri ukrainas transportohet me trena/ Nga Ukraina në portet gjermane, Berlini gati planin

Hekurudha kombëtare gjermane, Deutsche Bahn, planifikon që të nisë shërbimet e trenave të mallrave për të transportuar eksportet e drithërave ukrainase në portet gjermane, në mënyrë që më pas dërgesat të mund të ngarkohen nëpër anije. Drithërat do të sillen me trena në portet gjermane, përfshirë portet në Rostok, Hamburg dhe Brake, tha kompania e hekurudhave. Detajet se sa do të jetë kapaciteti i eksporteve të drithërave nuk janë bërë publik, por planifikohet që disa trena brenda javës të transportojnë drithin. Këta trena kryesisht do të marrin drithin ukrainas në Rumani.