Policia ka përmbyllur operacionin e koduar ‘Fazat’, në kuadër të të cilit kanë përfunduar në pranga nëntë persona. Tre prej të arrestuarve janë gra. Operacioni është zhvilluar gjatë 6 muajve të fundit, në bashkëpunim me Prokurorinë, ku u goditen 4 raste të trafikut të klandestinëve drejt vendeve të BE përmes vendit tonë. Në dy rastet e fundit, policia ka prangosur nëntë shtetasit, Daniel Sina, Rexhina Hyka, Fatmir Kapa, Shani Piro, Ledion Koçiu, Emiljan Sina, Ardjan Tema, Hume Murrizi dhe Eleva Pirro. Në kërkim janë shpallur tre persona të tjerë, mes të cilëve edhe një 65-vjeçare. Gjatë periudhës hetimore, shërbimet e Policisë Durrës kanë mbajtur në vëzhgim nga Saranda në Shkodër, pjesëtarët e grupit kriminal të cilët i transportonin emigrantët, me automjete të marra me qira, kundrejt pagesës 3500 deri në 5000 euro për person.