Mediat greke kanë publikuar emrat e 10 shqiptarëve dhe 4 shtetasve grekë, anëtare këto të një bande të njohur kriminale e cila merrej me trafik të lëndëe narkotike, vjedhje të sendeve me vlerë, dhe grabitje të shumta banesash në Athinë. Rushit Ramzani, Marko Qafa, Sigi Rustemaj, Ermir Meta, Veli Qose, Vasil Suloti, Ermin Ferhati, Vasil Vasili, Greant Kalanderi dhe Jurxhino Dura janë shqiptarët e arrestuar në kuadër të operacionit policor që coin ë shkatërrimin e kësaj bande. Grupi kriminal drejtohet nga 30-vjeçari shqiptar Ermin Ferhati, i njohur me pseudonimin "Eskos". Mediat fqinje gjithashtu kanë pubikuar edhe fotot e shtetasve shqiptare. Operacioni anti drogë u zhvillua më 27 shtator, në rezidencat studentore të Universitetit Politeknik në Zografou. Zona ku u zhvillua operacioni, rrinin bandat që shpërndajnë drogë dhe plaçkitin shtëpi, veçanërisht në periferitë të zonave të Zografou, Kaisariani dhe Vyronas. 30-vjeçari “Eskos”, ka qenë i shpallur në kërkim më parë për trafik droge, armëmbajtje pa leje si dhe grabitje. Ai nuk ishte arratisur në Shqipëri, por kishte gjetur strehë në godinën e vjetër të Universitetit Politeknik të Athinës “Zografou”, aty tre katet e konviktit të vjetër i kishin kthyer në seli të banditëve me një pagesë prej 100 euro në muaj për çdo dhomë.