Grupi amerikan i sulmit dhe avionët luftarakë janë parë të shfaqen përballë bregut iranian. USS Duajt Ajzenhauer, tani ndodhet në gjirin e Omanit, vetëm 300 km larg iranit. Grupi i sulmit, i kryesuar nga aeroplanmbajtësja e stërmadhe, u dërgua në lindjen e mesme pasi kaloi kanalin e suezit më 4 nëntor. Ajo më pas u ndal të trajnohej me grupin tjetër të sulmit, të udhëhequr nga aeroplanmbajtësja USS Xherald Ford, në mesdhe, por tani ka mbërritur në detin arabik. Pamje nga kanali amerikan i lajmeve Ëavy, tregonin aeroplanmbajtësen që kalonte përmes gjirit të Omanit. USS Ajzenhauer, ka dhjetëra avionë luftarakë në bord dhe shoqërohet edhe nga dy destrojerë raketash, një kryqëzor dhe një nëndetëse e avancuar. Së bashku, ato janë të armnatosura me qindra raketa kruiz, në gjendje që të godasin shënjestra në pjesën më lindore dhe atë më qendrore të Iranit. USS Ford qëndron zakonisht afër qipros, USS Bataan në detin e kuq ndërsa një bombardues B1 është vendosur në Turqi. Më herët këtë muaj edhe një nëndetëse amerikane bërthamore mbërriti në lindjen e mesme. Komanda qendrore amerikane tha se një nëndetëse e klasit ohajo ishte dërguar në zonë dhe foto të postuara në mediat sociale e tregonin atë në kanalin e suezit, në verilindje të kajros.