Departamenti amerikan i shtetit autorizoi largimin e një pjese të stafit të ambasadës amerikane në Jeruzalem dhe degës së saj në Tel Aviv, familjarëve dhe punonjësve në këto institucione, për shkak të situatës së agravuar mes Izraelit dhe Palestinës që nisi një javë më parë. Në një njoftim të departamentit amerikan të shtetit, thuhet se grupet terroriste, individë terroristë dhe ekstremistë të tjerë të dhunshëm, vazhdojnë të komplotojnë për sulme të mundshme në Izrael, Bregun Perëndimor dhe Gaza. Për këtë arsye, DASH kërkoi largimin e personit jo të domosdoshëm të ambasadës në Jeruzalëm dhe degës së saj në Tel Aviv. Qeveria amerikane apeloi shtetasit e saj të cilët ndodhen në Gaza, të shkojnë në drejtim të pikëkalimit kufitar Rafah me Egjiptin, që të jenë gati për t’u larguar në rast të një rihapjeje të mundshme të saj. Nësë qytetarët amerikanë mendojnë se është i sigurt afrimi drejt pikëkalimit kufitar, tha një zëdhëns i DASH, atëherrë të qëndrojnë në gatishmëri për të kaluar pasi nëse vendkalimi hapet mund të qëndrojë i hapur për një kohë të kufizuar. Izraeli e ka ndërprerë ujin, energjinë elektrike dhe ndihmat për Rripin e Gazës, pas sulmeve të grupit militant Hamas, në tokën izraelite, një javë më parë. Ky shtet urdhëroi 1 milion palestinezë që të shpërngulen nga veriu në jug të Gazës, teksa përgatitet për një ofensivë eventuale ushtarake për ta luftuar Hamasin. Pamjet: AFP