Aktori Ben Affleck ka zbuluar një sekret të partneres së tij Jennifer Lopez dhe mënyrës sesi ajo e ruan pamjen e saj fizike. Ajo çfarë zbuloi Affleck për linjat perfekte të Lopez ka habitur fansat, pasi sipas tij ajo ha gjithçka dhe gjithmon është në formë të mire. “Më lejoni t’ju them diçka që do t’ju shqetësojë. Jennifer ha çfarë të dojë. Ajo ha pica, biskota, akullore… gjithçka. Është vetëm gjenetika e mirë,"-u shpreh aktori. Për Ben Affleck, Jennifer Lopez është femra më e bukur në botë dhe duket spektakolare. Sigurisht që nuk ka ngurruar të theksojë mundin që bën dhe disiplinën që ka, por edhe “superfuqinë” që ajo ruan për t’u dukur kështu. “Ajo është femra më e bukur në botë dhe duket e mrekullueshme”, përfundoi ai mendimin e tij për pamjen e saj përrallore. Dyshja e preferuar për publikun u martuan në korrik 2022.