Gropa të mëdha në tokë, të gjera mjaftueshëm sa për të gëlltitur një autobus, kanë mbushur tokat bujqësore në turqi, të goditura nga thatësira, duke shqetësuar fermerët pasi ato po përhapen dhe po shfaqen edhe pranë shtëpive të banimit. “Situata e shkaktuar nga thatësira po përkeqësohet gjithnjë e më shumë”, thotë një fermer, i cili mbjell patate. 57 vjecari ka parë gropa të stërmëdha në tokë të hapen në 10-15 vitet e shkuara pasi mbishfrytëzimi i ujit të tokës për vaditje po jep rezultate. Duke u thelluar në tokë, gropat shfaqen kur zbrazëtirat nëntokë të krijuara nga thatësira nuk munden më të mbajnë peshën e shtresës së sipërme të tokës. Kjo i ka vënë fermerët në vështirësi. Përpjekjet për të siguruar ujë me mjete të tjera janë më të kushtueshme, cka ndikon në të ardhurat e fermerëve. Por mbështetja e vazhdueshme tek uji nëntokësor nuk do të bëjë tjetër vecse do të përkeqësojë problemin. Ekspertët kanë numëruar rreth 600 gropa të tilla në pllajën e Konias, afro dy herë më shumë nga ato të numëruara një vit më parë. Ekspertët kërkojnë tani që qeveria të ndërhyjë dhe të bëjë më shumë për të ndihmuar në përballimin e thatësirës së madhe në një kohë kur sipas tyre, nuk ka politika të mira për menaxhimin e rezervave të ujit në vend.