Greqia do të përfshihet nga një grevë e përgjithshme 24-orëshe, në të cilën do të marrin pjesë federatat dhe sindikatat, ku është shpallur mobilizim dhe ndërprerje të punës, ndërsa do të ketë edhe ndryshime në transport. Duke nisur prej orës 10:30 të mëngjesit në qendër të Athinës, por edhe në qytetet e mëdha të vendit do të zhvillohen tubime proteste. Ndër kërkesat kryesore të tubimit janë “rritje e pagave nominale, riorganizimi i marrëdhënieve industriale, institucionalizimi i Ligjit Kolektiv të Punës, si dhe sigurimi i strehimit të përballueshëm për të gjithë.” Në grevë marrin pjesë edhe mësuesit e dy niveleve të para të arsimit publik dhe privat, ndërsa marrin pjesë edhe mjekët e spitalit. Federata e Shoqatave të Mjekëve të Spitaleve të Greqisë shpjegon arsyet pse mjekët e spitaleve janë në grevë. Ai thekson se 49 për qind e pacientëve nuk mund të gjejnë mjek dhe 24 për qind nuk mund të bëjnë analizat e nevojshme. Edhe punonjësit e transportit publik, marrin pjesë në grevën e sotme 24-orëshe me ndërprerje pune. Nga ana tjetër Konfederata e Sindikatave Evropiane shprehu mbështetjen e saj për grevën. Greva e cila ka si kërkesë kryesore adresimin e krizës së strehimit, rivendosjen e ligjit kolektiv të punës si dhe uljen e fuqisë blerëse të punëtorëve, pritet të përfundojë mesnatën e së mërkurës.