Ministrat e Energjisë të Bashkimit Evropian nuk arritën dot marrëveshjen për vendosjen e një çmimi tavan të gazit për ta zbutur krizën e energjisë në Evropë, pasi vende si Greqia dhe Polonia vunë veton ndaj këtij propozimi, Disa ministra që morën pjesë në takimin e së enjtes u ankuan se propozimi për çmimin tavan të gazit, i publikuar nga Komisioni Evropian vetëm para dy ditësh, ishte krijuar me synimin të mos përdorej kurrë. KE propozoi një cmim tavan prej 275 eurosh për megavat në orë. Ministrat polakë dhe spanjollë të energjisë e quajtën propozimin "qesharak".