Greqia do të ndalojë shqyrtimin e kërkesave për azil të emigrantëve që vijnë nga Afrika e Veriut, ka deklaruar Kryeministri grek Kyriakos Mitsotakis në një seancë parlamentare. qëndrimi erdhi në një kohë rritjeje të fluksit migrator në Greqi. qëndrimi i tij vjen pak orë pasi komisionerit të emigracionit të BE-së dhe ministrave nga Italia, Malta dhe Greqia iu mohua hyrja në pjesën lindore të Libisë së ndarë dhe u shpallën persona non grata nga qeveria me seli në Bengazi përpara një takimi të planifikuar për emigracionin. “Greqia do të pezullojë shqyrtimin e kërkesave për azil, fillimisht për tre muaj, për ata që mbërrijnë në Greqi nga Afrika e Veriut me anë të detit.", tha kryeministri grek. Ardhjet nga deti të emigrantëve që udhëtojnë nga Libia verilindore drejt ishujve jugorë të Kretës dhe Gavdosit të Greqisë janë rritur në më shumë se 7,300 këtë vit, sipas vlerësimeve të qeverisë greke dhe agjencive të ndihmës, kur vetëm gjatë gjithë vitit të kaluar ishin gjithësej rreth 5,000 .