Greqia shpërfill provat e paraqitura nga prokurorët shqiptarë që kanë ngritur akuza për shitblerje votash ndaj Fredi Belerit dhe nuk pret as më pak dhe as më shumë prej Shqipërisë, përveçse lirimin e tij. Deklarata u bë nga ministri i Shtetit në qeverinë e Kiriakos Mitsotakis, Akis Skertsos. Ai than ë një konferencë për shtyp se fitorja e Belerit në Bashkinë e Himarës shton presionin ndaj Tiranës për të ndryshuar qëndrim. Nëse kjo nuk ndodh, sipas qëndrimit zyrtar, Athina do të përdroçë ço mjet që ka në dispozicion për të bllokuar rrugën europiane të Shqipërisë. “Do të ketë pasoja, tha Skertsos, jo vetëm në marrëdhëniet greko-shqiptare, por edhe në ecurinë e pranimit të Tiranës në Bashkimin Europian, të cilën Greqia e ka mbështetur deri tani. Skertsos e cilësoi “të papranueshme dhe të palogjikshme sjelljen e Tiranës zyrtare për të arrestuar kandidatin për kryebashkiak të Himarës Fredi Belerin , dy ditë para zgjedhjeve, duke injoruar provat e paraqitura në dosje.