Vendet e Bashkimit Evropian janë dakordësuar për paketën e 21-të të sanksioneve ndaj Rusisë për shkak të luftës në Ukrainë, duke vendosur kufizime ndaj sektorit bankar rus, por njëkohësisht kanë arritur një kompromis me Greqinë për t’i zbutur kufizimet ndaj gazit të lëngshëm natyror rus. Katër diplomatë të BE-së bënë me dije se paketa ofron një përjashtim njëvjeçar që u lejon kompanive të BE-së të transferojnë gaz të lëngshëm natyror nga Rusia drejt vendeve të treta, me mundësi rinovimi automatik. “Shtetet anëtare treguan solidaritet me Greqinë”, tha një diplomat i BE-së. Athina zyrtare, nënvizoi se ndalimi i ardhshëm i shërbimeve të transferimit të gazit të lëngshëm natyror rus drejt vendeve të treta thjesht do ta zhvendoste pjesën e tregut jashtë Evropës dhe nuk do të ndikonte në të ardhurat e Rusisë.