Arrestohet në Greqi Olsi Leka, që mbante edhe emrin Jorgo Leku, i akuzuar për vrasje të dyfishtë në Elbasan. Ai është arrestuar me qëllim ekstradimi drejt vendit tonë, pasi më 15 gusht të vitit 2012, në lagjen "Çlirimi", Elbasan, në bashkëpunim me persona të tjerë, ka vrarë me armë zjarri Gentian Beqiri dhe të atin e tij Nezir Beqiri. Vrasja në atë kohë ka bërë bujë, pasi Beqiri, ishte me masë sigurie “Arrest në shtëpie”, pasi akuzohej si një nga vrasësit e Sokol Ccapjas, në vitin 2005, në një lokal pranë universitetit të Elbasanit. Gentian Beqiri, I cili kishte mbetur I plagosur pas një atentati që I ishte bërë më parë, qëndronte në shtëpi, ku ruhej tek dera me policë të armatasur. Në rrethana ende të pasqaruara mirë, vrasësit kishin mundur të evitonin policët dhe kanë hrë në apartamentin ku banonte Gentian Beqiri, duke e ekzekutuar atë dhe babin e tij Nezirin. Për këtë ngjarje Olsi Leka ishte shpallur në kërkim ndërkombëtar, pasi Gjykata e Shkallës së Parë Elbasan, më datë 12.06.2020 i ka caktuar masën e sigurisë "Arrest në burg", për kryerjen e veprave penale "Vrasja në rrethana të tjera cilësuese kundër dy ose më shumë personave” e kryer në bashkëpunim dhe "Armëmbajtja pa leje".