Pas incidentit të shënuar në fillim të prillit në ujërat greke, ku u mbytën shtatë emigrantë, ndër ta dy fëmijë, Agjencia Evropiane e Mbrojtjes Kufitare dhe Bregdetare (Frontex), ka nisur hetimet për shkelje të të drejtave të njeriut. Dyshohet se varka e emigrantëve u përplas nga një anije e rojes bregdetare greke, ndërsa Frontex e ka cilësuar incidentin si tepër serioz. Sipas DË, shpesh mundojnë provat e qarta se forcat greke të sigurisë po i dëbojnë me forcë refugjatët që ata të rikthehen në Turqi ose në ujërat turke. Sakaq, Athina e ka mohuar me forcë se refugjatët deportohen pa pasur mundësinë që kërkesa e tyre për azil dhe mbrojtje të gjykohen. Frontex ka paralajmëruar se nëse vërtetohen shkeljet e Greqisë ndaj të drejtavetë njeriut, atëherë Agjencia Kufitare e BE-së, t'i kërkojë Komisionit të BE-së t'i ngrijë ndihmat financiare ose të fillojë kundër Greqisë procedurat për shkelje të rregulloreve. Aktualisht agjencia kufitare e BE-së i ofron Greqisë burime të konsiderueshme. Frontex-i aktualisht e mbështet Greqinë me pothuajse 700 kufitarë, automjete patrullimi, nëntë anije dhe një avion.