Pesë persona janë shpallur fajtorë për një grabitje të cmendur në qytetin gjerman të Dresdenit. Hajdutët vodhën sende të cmuara me vlerë 113 milionë euro nga muzeu i qytetit në 2019-ën. Policia mundi të rigjente pjesën më të madhe të sendeve të vjedhura, përfshirë një shpatë të gdhendur me diamante, por druhet se pjesa tjetër e thesarit të grabitur nuk do të gjendet më kurrë. Të pestë të dënuarit, anëtarë të një grupi famëkeq kriminal, përballen me dënime prej katër deri në gjashtë vitesh burg. Kjo grabitje ishte thuajse e jashtëzakonshme. Grupi që jetonte në berlin, vizitoi vendin disa herë, duke përgatitur gjithcka në avancë. Në orët e para të 25 nëntorit 2019, ata i vendosën zjarrin një kabine elektrike pranë muzeut, duke zhytur në errësirë gjithcka përreth, ndërsa dy prej grabitësve hynë brenda.