Një banesë është grabitur në orët e para të mëngjesit në lagjen numër 1 në Korçë. Sipas njoftimitet policise behet e ditur se tre persona dyshohet se nën kërcënimin e armës i kanë vjedhur me dhunë shtetasit Shefqet Muca, me profesion kambist, një sasi lekësh para banesës së tij. Raportohet se ne momentin e grbitjes familjarët janë përleshur me grabitësit,ku si pasoje njeri prejt tyre eshte lenduar dhe ndodhet në spital.Grabitësit kanë qenë të 3 të maskuar dhe te armatosur. Reagimi i menjëhershëm i Policisë, bëri të mundur ndalimin e njërit prej autorëve të dyshuar të ngjarjes, i cili ndodhet aktualisht për ndihmë mjekësore në Spitalin e Korçës, pasi ka marrë lëndime gjatë përplasjes fizike me kambistin dhe forcat e policisë, ku ka tentuar të shmangë kapjen nga ana e tyre. Policia njofton se po punohet për identifikimin dhe kapjen e autorëve të tjerë, të cilët kanë mundur të largohen me shpejtësi nga vendngjarja me një automjet. Nga ana e Policisë janë ngritur pika kontrolli, po bëhet krehja e zonës si edhe po kryhen veprime të tjera hetimore, të cilat do të ndihmojnë në zbardhjen e sqarimin e plotë të rrethanave të ngjarjes