Një grabitje me armë zjarri ka ndodhur mëngjesin e sotëm, në një pikë karburanti në Fushë-Krujë në vendin e quajtur Ura e Gjolës, Arrameras, ka rënë pre e grabitjes me armë zjarri nga persona të maskuar dhe të armatosur. Uniformat blu bëjnë me dije se bëhet fjalë për tre persona kushërinj me njëri tjetrin të cilët janë futur në pikën e karburantit, kanë marrë paratë dhe më pas janë larguar. Në pranga janë vënë Skënder Çangu dhe Zenun Çangu, banues në fshatin Verjon të Krujës, ndërkohë po vijon puna për kapjen e personit të tretë të përfshirë në këtë ngjarje. Gjatë aksionit të koduar “Gjola”, policia sekuestruar në cilësinë e provës materiale një armë zjarri pushkë, automjetin dhe veshjet e përdorura nga autorët gjatë grabitjes. Materialet i kaluan Prokurorisë së Rrethit Gjyqësor Krujë, për veprat penale “Vjedhja me armë” kryer në bashkëpunim dhe “Armëmbajtja pa leje”.