Filiali i një banke kursimesh në Gelsenkirchen, në Gjermani u grabit nga persona ende të paidentifikuar. Mediat gjermane raportojnë se grabitësit ende të paidentifikuar mundën t grabisnin një shumë prej rreth 30 mln eurosh. Agjencia Gjermane e Shtypit (dpa) mësoi nga burime sigurie se autorët thyen 3,200 kasaforta. Ata hapën një vrimë në kasafortë në degën e Bankës së Kursimeve në Gelsenkirchen dhe më pas mundën të merrnin paratë. Sipas gjetjeve fillestare, ata mundën që të krijonin akses për të hyrë në bankë përmes një garazhi parkimi. Vjedhja u raportua të hënën. ndërkohë shumë klientë shkuan menëjherë pranë filialit dhe kërkuan informacion, por që nuk mundën ta merrnin pasi rasti është ende nën hetim. Aktualisht, klientët e Bankës së Kursimeve të Gelsenkirchenit kanë akses për të komunikuar vetëm përmes internetit. Ndërsa hetuesit sekuestruan kamerat e sigurisë dhe po punojnë për identifikimin dhe kapjen e grabitësve që u larguan me shpejtësi, dhe që mundën të rrëzonin të gjithë sistemin e sigurisë.