Google do të investojë të paktën 13 miliardë euro për infrastrukturën e inteligjencës artificiale në Finlandë. Shifra do të shpërndahet përgjatë dy viteve të ardhshme sipas kontratës së nënshkruar, që parashikon edhe blerjen e një centrali bërthamor. Energjia bërthamore, si një burim i sasive të mëdha të energjisë me karbon të ulët, është një nga atraksionet që ofron Finlanda, pasi kompani të ndryshme janë në kërkim të burimeve të mëdha dhe të pastra të energjisë për të ushqyer krijesat e tyre të inteligjencës artificiale. "Kjo është marrëveshja e parë e Google për përdorimin e energjisë bërthamore për zhvillimin e inteligjencës artificiale jashtë Shteteve të Bashkuara të Amerikës. Përveç kësaj, Google premton të angazhohet edhe në zhvillimin e teknologjisë së re të prodhimit të energjisë bërthamore. Gjiganti teknologjik amerikan ka zgjeruar investimet në 12 muajt e fundit duke tejkaluar 200 miliardë dollarët.