Ky ka qenë artikulimi në bllok i trupës gjykuese të kolegjit zgjedhor, që rrëzoi përfundimisht akuzat e përfaqësuesit ligjor të demokratëve si dhe të Lëvizjes Socialiste për Integrim, lidhur me pavlefshmërinë e procesit zgjedhor në zonën e Vlorës. Kjo është goditja e dytë që merr opozita në harkun kohor të 24 orëve, pasi vetëm një ditë më parë i njëjti vendim u dha edhe për Gjirokastrën. Argumentet e përfaqësuesve ligjore lidhur me përdorimin e burimeve të administratës shtetërore në procesin zgjedhor apo edhe për tjetërsim të votës së qytetarëve, ishin të pamjaftushme për të shpallur të pavlefshme zgjedhjet e 25 Prillit. Kërkesa për shpallje të pavlefshmërisë në zgjedhje vetëm në zonat ku PD dhe LSI kanë dalë me humbje dhe jo në ato qëndra votimi ku ka pasur rezultat fitues, ka qenë një nga pyetjet e gjyqtarëve drejtuar përfaqësuesve ligjorë përgjigja e të cilëve ka qenë.