Një ditë pas vrasjes me thikë të 14-vjeçarit Martin Cani pranë shkollës 9-vjeçare “Fan Noli” në Tiranë, policia arrestoi autorin e dyshuar të ngjarjes. Në pranga përfundoi bashkëmoshatari I tij, Mario Prelleshaj. Ai u ndalua në rrugën “Qemal Stafa”. Ndaj tij rëndojnë veprat penale “Vrasja me dashje e kryer ndaj të miturit” dhe “mbajta pa leje e armëve të ftohta.” Sipas burimeve sherri mes adoleshentëv kishte nisur të premten në shkollë. Të miturit ishtin konfliktuar për t’I hapur më pas rrugë një ngjarjeje që përfundoi në përforim të thikave dhe që I kushtoi jetën 14-vjeçarit Martin Cani. Grupi i djemve u takuan në një rrugicë pranë shkollës “Fan Noli”, ku fillimisht mes tyre pati debat verbal, për të vijuar me grushte dhe në fund me përdorimin e thikave. 14-vjeçari Cani dhe shoku i tij, të dy nxënës të shkollës Fan Noli, u goditën disa herë me mjet prerës gjatë konfliktit që ndodhi pak minuta pas përfundimit të mësimit. Nga plagët humbi jetën Martin Cani, ndërsa mbeti plagosur miku I tij që ndodhet në Spitalin e Traumës. Nga sherri u plagos dhe vetë autori I dyshuar I ngjarjes. Për rastin e rëndë ka reaguar edhe Ministria e Arsimit, e cila kërkoi zbardhjen e ngjarjes dhe Presidenca, ku Presidenti Begaj kërkoi më shumë vëmendje dhe edukim ndaj brezit të ri.