Një 41-vjeçar është vënë në pranga nga policia e Kukësit, pasi është denoncuar nga drejtori i një banke, se e ka goditur për shkak të detyrës. Në kuadër të operacionit policor të koduar "Office", u kap dhe u vu në pranga shtetasi Armend Maksutaj, 41 vjeç, banues në Prishtinë, i cili dyshohet se ka goditur disa herë me grushte brenda ambienteve të bankës, personin që e denoncoi dhe më pas është larguar. Pas ndalimit nga Policia, gjatë kontrollin në automjetin e tij, janë gjetur 16 813 euro pa dokumentacion që tregon burimin e tyre, një mjet prerës (kosore), dokumente dhe sende të tjera, të cilat u sekuestruan në cilësinë e provës materiale, bashkë me automjetin. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme, për veprat penale "Goditje për shkak të detyrës" dhe "Pastrimi i produkteve të veprës penale ose veprimtarisë kriminale".