Gjykata e Shkallës së Parë në Fier ka dhënë masën e sigurisë “arrest në burg”, për 17-vjeçarin që plagosi me thikë bashkëmoshatarin e tij, brenda rrethimit të shkollës, në Cakran. 17-vjeçari goditi 4 herë më thikë shokun e klasës në gjimnazin “ Mustafa Hoxha” në Cakran pas një konflikti të çastit. Menjëherë pas ngjarjes, adoleshenti ra në prangat e ‘uniformave blu’ dhe u arrestua dy ditë më vonë. Mbi 17-vjeçarin rëndon akuza “ Vrasje me dashje e mbetur në tentativë”. Sipas dëshmisë së të plagosurit konflikti ka nisur një muaj më parë pas postimit të disa fotove në rrjetet sociale. Konflikti është parë nga dy mësuese të cilat kanë qenë dëshmitare, ndërkohë që 17 vjeçari I plagosur ndodhet jashtë rrezikut për jetën. Sipas mjekëve, ai kishte marrë 4 plagë. Sakaq, sipas gjyshes së autorit 17-vjeçar, ai vuan nga probleme të shëndetit mendor