Policia e Spanjës në bashkëpunim me agjenci të tjera kombëtare dhe ndërkombëtare goditën një grup kriminal, duke cuar në arrestimin e 14 personave, në mesin e tyre edhe tre gra. Grupi kriminal që u cmontua nga agjentët e policisë kombëtare ishin të përfshirë në trafik droge, konkretisht me kartelin meksikak Sinaloa, por dyshohet se ata kanë marrë pjesë në rrëmbimin dhe vrasjen e një shqiptari të Kosovës, ngjarje e shënuar në fund të muajit maj të këtij viti në Katalonjë. Mediat spanjollë nuk kanë publikuar detaje se cilët janë personat e arrestuar dhe se cilin shqiptar të Kosovës kanë vrarë ata, por kanë dhënë detaje vetëm për mënyrën e arrestimit të grupit kriminal si dhe për materialet e sekuestruara gjatë mega operacionit policor, në bashkëpunim me Interpol Kosova dhe Europol Italia.