Shqipëria është kthyer në vend preferencial për shtetaset e huaja, kryesisht të Amerikës Latine për të ushtruar prostitucion. Policia ka rënë në gjurmët e një tjetër grupi të huajsh të cilët ushtronin aktivitetin e paligjshëm në Elbasan. 7 prej tyre u vendosën në pranga, për një 31 vjecare nisi hetimi në gjendje të lirë, ndërsa dy të tjerë u shpallën në kërkim nga policia për ushtrim prostitucioni dhe shfrytëzim prostitucioni. Në kuadër të operacionit Fee, u vendosën në pranga dy të rinj nga Kolumbia, 2 spanjolle, 2 kolumbiane dhe një 38 vjecare nga Venezuela. Për një tjetër venezuesliane nisi hetmi në gjendje të lirë, ndësa u shpallën në kërkim dy peruanë të moshave 23 dhe 44 vjec për veprën penale "Shfrytëzimi i prostitucionit". Sipas policisë, këta të huaj kishin marrë ambiente me qira për ushtrimin e prostitucionit, ndërsa promovonin aktivitetin në faqe online, duke ofruar edhe favore seksuale kundret pagesave. Nga ky operacon, shërbimet e policisë gjetën dhe sekuestruan në cilësinë e provave materiale 43 000 lekë, 2 780 euro, që dyshohen se janë përfituar nga kjo veprimtari kriminale, si dhe 9 celularë. Kërkimi për dy të huajt nga Peruja vijon ende, ndërsa po ushtrohen kontrolle të tjera në lagje të ndryshme të Elbasanit, për goditjen e ambienteve të ngjashme.