Policia e Tiranës ka finalizuar dy faza të tjera të operacioneve të koduara “Netëork” dhe “Foleja”, kundër ushtrimit të prostitucionit. Uniformat blu njoftojnë se pas kontrolleve të kryera me qëllim evidentimin dhe goditjen e rasteve të qiramarrjes së apartamenteve në zona të ndryshme të kryeqytetit, për të ushtruar prostitucion, gjatë finalizimit të operacionit ‘Netëork’, kanë vënë në pranga një shtetase vietnameze. Sipas policisë, 33-vjeçarja ushtronte prostitucion në një apartamennt te marrë me qira në rrugën ‘Mine Peza’. Po ashtu, policia sqaron se një tjetër shtetase e huaj ka rënë në pranga gjatë operacionit të koduar ‘Foleja 7’. Një 43-vjeçare me shtetësi kineze, është arrestuar pasi ushtronte prostitucion, në një apartament të marrë me qira, në Rrugën e Durrësit. Në lidhje me ketë rast është proceduar në gjendje të lirë edhe një shtetas që përfitonte nga kjo veprimtari e kundërligjshme, ndërsa janë sekuestruar shuma parash dhe 3 celularë.