Mbi 51% e shqiptarëve nuk kanë bërë asnjë udhëtim, për të qëndruar të paktën një natë larg shtëpisë së tyre për qëllime personale pushimi, sipas të dhënave që janë publikuar nga Eurostat. Shqipëria renditet e teta, në listën e vendeve, qytetarët e të cilës kanë përqindjen më të lartë të popullsisë që nuk bën pushime. 70% e atyre që nuk shkojnë për pushime në Shqipëri nuk kanë mundësi financiare. Grupmosha 25-35 vjeç në Shqipëri udhëton më shumë, të moshuarit rrinë në shtëpi. Mundësi nuk kanë, por interesi është ndër më të lartët në Europë Sipas Monitor, në Europë, 72% e bullgarëve nuk kanë bërë pushim në vitin 2022. Edhe rumunët janë pak a shumë në të njëjtat nivele, më pas renditen Italianët, grekët, portugezët, estonezët dhe kroatët. Ata që udhëtojnë më shumë jashtë shtëpisë janë norvegjezët, ku rreth 11% e popullsisë nuk lëviz për pushime, të ndjekur nga suedezët.