Rreth 46% e familjeve shqiptare, e kanë të vështirë të vështirë të mbyllin muajin, sipas Eurostat, duke deklaruar se e përballojnë jetesën me shumë vështirësi. Në këtë nivel, Shqipëria renditet e dyta në Europë, pas Greqisë, ku vështirësitë për të mbyllur muajin prekin një pjesë edhe më të madhe të popullsisë, në 67%. Edhe në raport me vendet e rajonit, Shqipëria shfaqet në nivele të larta. Në Maqedoninë e Veriut përqindja e atyre që kanë vështirësi, ose shumë vështirësi të mbyllin muajin arrin në rreth 44%, në Malin e Zi në rreth 38% dhe në Serbi në rreth 31%. Pamundësia për të mbyllur muajin lidhet edhe me nivelin e pagave, që në Shqipëri mbetet ndër më të ulëtat në rajon. Presioni mbi buxhetet familjare shtohet edhe nga niveli i çmimeve, ku në vitin 2025, arritën në 102.9% të mesatares së Bashkimit Europian, duke e kaluar për herë të parë nivelin mesatar europian. Shqipëria vendoset edhe në krye të rajonit për nivelin e çmimeve të ushqimeve, duke e bërë diferencën mes të ardhurave dhe kostos së jetesës një tjetër faktor që rëndon mbi familjet.