Një gjyshe ka marrë armët në krahë për të mbrojtur Ukrainën kundër Rusisë, ndërsa është regjistruar në listat e atyre që janë betuar të mbrojnë vendin përballë një sulmi rus. Rumia, 59 vjec, i është bashkuar qindra njerëzve të tjerë të thjeshtë që po përgatiten të mbrojnë shtëpitë e tyre në rast sulmi. Bëhet fjalë për një ushtri rezervë dhe milici civile, që do të thirren në ndihmë në rast se skenari më i keq jetësohet. Rumia i përket grupit etnik tartar të Krimesë, që kanë lindur në gadishullin e krimesë, tashmë të aneksuar nga rusia. E ajo, është fotografuar teksa trajnohet me një armë druri, bashkë me vullnetarë të tjerë, mes të cilëve edhe fëmijë dhe të rinj, në periferitë e Kievit. Madje edhe një vajzë e vogël, vetëm 4 vjec, i është bashkuar stërvitjes që ndihmon në përgatitjen e civilëve në mesin e frikës për një pushtim të mundshëm rus. Moska ka mohuar të ketë qëllime agresive ndaj ukrainës, por pavarësisht kësaj, Putin ka mbledhur më shumë se 100 mijë trupa në kufijtë e vendit.