Një fëmijë 18 muajsh është dërguar në gjendje të rëndë në spital, në napoli të italisë, me një plagë me armë zjarri në stomak. Plumbi duket se është shkrepur aksidentalisht nga pistoleta, një berretë e kalibrit 6.35, që gjyshi i tij e kishte me leje. Fëmija është shtruar në terapi intensive dhe mjekët nuk kanë dhënë garanci për jetën. Ngjarja ka ndodhur në Pomiliano d’Arco. Arma, i kishte rënë nga dora ndërsa e pastronte, sic rrëfen gjyshi i fëmijës, një instruktor qitjeje. Fëmija i është nënshtruar tani një ndërhyrjeje delikale kirurgjikale dhe gjendja e tij, sipas mjekëve, duket e qëndrueshme. Sidoqoftë, vendimtare do të jenë 48 orët e ardhshme. Tani roli i gjyshit është në duart e hetuesve, edhe pse për momentin nuk ka dyshime për natyrën aksidentale të ngjarjes. Gjyshi i fëmijës kishte edhe armë të tjera, gjashtë pushkë dhe nëntë pistoleta në total, që përdoreshin për aktivitetin e tij si instruktor qitjeje. Sipas rrëfimit të tij, vogëlushi kishte hyrë në dhomën e gjumit të gjyshit, ku ky i fundit po pastronte armën që i kishte rënë nga dora dhe ishte shkrepur.