Gjyqtarja e Apelit, Ilirjana Olldashi ka paraqitur raport mjekësor, duke munguan në çështjen e shqyrtimit të ankimimit të Ajola Xoxës kundër vendimit të shkallës së parë të gjykatës së posaçme për sekuestrimin e sendeve personale, mes të cilave edhe telefonit të saj. Olldashi ka depozituar shkresën e paaftësisë së përkohshme për punë, ndërsa ankimimi i Ajola Xoxës është kaluar në dorë të gjyqtarit Engert Pëllumbi. Seanca zhvillohet këtë të mërkurë në orën 15:00. Ndërkohë, po sot u paraqitën në SPAK, Valbona Xoxa, e ëma e Ajola Xoxës dhe biznesmeni, Gentjan Sula. Të dy ata nuk komentuan mbi objektin e thirrjes nga prokurorët e posaçëm. Burime pohojnë se biznesmeni është marrë në pyetje nga agjentët e Byrosë Kombëtare të Hetimit, pasi masën detyrim paraqitje e ka të premten, ndërsa ndaj të ëmës së Ajola Xoxës nuk ka masë sigurie. Në dosjen ndaj Veliajt del edhe biznesmeni Sokol Kryeziu, ndaj të cilit GJKKO ka caktuar masën e sigurisë detyrim paraqitje. Kryeziu ka njoftuar SPAK-un se do të zbatojë këtë vendim ditën e hënë, pasi ndodhet jashtë vendit.