SPAK ka dhënë konkluzionet përfundimtare për gjyqin ndaj Bardh Spahisë për veprën penale të pengimit për ekzekutimin e vendimeve gjyqësore. Prokurorja Dorina Bejko tha se nga aktet ligjore të sekuestruara lidhur me vendimmarrjet e Bashkisë Shkodër si dhe nga dëshmitë e mbledhura ka rezultuar se Bardh Spahia ka kryer shkelje gjatë kohës që ishte kryebashkiak. Sipas SPAK, Bardh Spahia rezulton r se ka iniciuar nje mbledhje te Asambles se Përgjithshme dhe ka marrë vendim për të mos riemëruar Mark Mollën edhe pse kishte një vendim gjykate dhe në vend të tij në krye të Ujësjellësit të emëronte Arvit Bushatin. Vendimi është marrë në vitin 2022, ndërsa SPAK kërkoi dënimin me gjobë 700 mijë lekë për Bardh Spahinë. Seanca e radhës do të mbahet më 12 Mars, ku GJKKO do të dëgjojë dhe pretendimet e mbrojtjes e më pas do të jap vendim për këtë çështje.