Ilir Meta dhe Monika Kryemadhi dolën para gjykatës së posaçme këtë të enjtje. Gjyqi u shoqërua me ankesa të shumta nga ana e ish-çiftit të bashkëshortëve të cilët kërkuan pavlefshmëri të provave të mbledhura nga SPAK. Ilir Meta, që u përfaqësua me avokatin e tij të ri Bujar Musta pas largimit të Kujtim Cakranit, tha se prokurorët nuk kanë provuar kurrë që mesazhi I tij në drejtim të Kastriot Ismailajt se I duhen 200 mijë, dhe se organi I akuzës e cilëson shumën si monetare, nuk është provuar që është nisur nga ai. “Përgjimet e bisedave telefonike nuk duhet të jenë të paqarta. Kërkohet analizë e kujdesshme e provës. Të mos përdoren si prova mesazhet më Kastriot Ismailajn nga kjo kartë. Nëse ky mesazh lejohet të përdoret si provë kundër Metës, atëherë cenohet e drejta për proces te rregullt ligjor dhe do ngrihen pretendime për diskriminim për arsye politike.”, tha Ilir Meta gjatë gjyqit.