Artan Tafani, i penduari i drejtësisë në gjyqin ndaj “bandës” së Laert Haxhiut, rrëfeu sot në GJKKO me detaje vendosjen e tritolit në bizneset e këngëtarit Rigels Rajku, i njohur si Noizy. Para prokurorit dhe trupit gjykues, ai rrëfeu dinamikën sesi një sherr i nisur verbalisht në rrjetin TikTok, përfundoi me vendosje tritoli në lokalin dhe dyqanin e Noizy-t në orët e para të mëngjesit të 8 qershorit 2022. Konflikti nisi mes këngëtarit Noizy dhe Kleviol Ahmetit në Tiktok, ndërsa sipas të penduarit të drejtësisë, tritoli u vendos si hakmarrje pasi Noizy e ka dhunuar Kleviolin. “Laerti njihej familjarisht me Kleviol Ahmetaj. Pasi Klevioli është konfliktuar në TikTok, janë zënë te lokali i Noizyt. Laertit nuk i erdhi mirë që ishte rrahur Klevioli. Nëna e Laertit kur mori vesh për ngjarjes tha “gjynah si e goditi Noizy Kleviolin”. Pas kësaj Laerti më tha mua çohuni t’i vendosim tritolin”