Gjykata ka rrëzuar kërkesën e Prokurorisë së Sarandës për vendosjen e “arrestit me burg” në mungesë për pronarin dhe menaxherin e lokalit të Orange. Për Spiro Iljazin dhe Ermal Vatën u vendos masa e detyrimit paraqitje, pas incidentit të ndodhur më 16 gusht në ambientet e klubit të natës ku u dhunua edhe shefi i krimeve Mateo Bakalli. Dy të dyshuarit akuzohen për veprën penale “Veprime që pengojnë zbulimin e së vërtetës”. Sipas prokurorisë, Shefi i Hetimit të Krimeve, Mateo Bakalli, ndërhyri për të shuar një konflikt fizik mes disa personave, por u sulmua dhe u dhunua duke pësuar dëmtime në trup dhe fytyrë. Më herët Gjykata e Sarandës ka caktuar masën e sigurisë "Arrest në burg" për 6 persona të tjerë, administratorin e lokalit, bodigardë dhe një komando të përfshirë direkt në përplasjen fizike.