Gjykata e Tiranës ka rrëzuar kërkesën e ish-presidentit Ilir Meta, i cili kundërshtoi vendimin e Prokurorisë për të mos nisur hetime mbi kallëzimin e tij ndaj punonjësve të paraburgimit. Meta kërkoi që gjykata të detyronte Prokurorinë e Tiranës të hetonte pretendimet për shpërdorim detyre nga punonjësit e institucionit ku mbahet i paraburgosur, duke argumentuar se i është mohuar e drejta për të komunikuar nga ambientet e burgut. Prokuroria e kishte pushuar çështjen me arsyetimin se nuk konstatohej vepër penale, ndërsa Gjykata e Tiranës la në fuqi këtë vendim, duke rrëzuar kërkesën e Metës. I arrestuar që prej tetorit 2024 dhe në paraburgim prej 21 muajsh, Meta ka ngritur vazhdimisht shqetësime për kushtet e qëndrimit në paraburgimin e “313”-ës. Ndërkohë, procesi gjyqësor ndaj tij në GJKKO vijon të zhvillohet në themel.